Dende la Tierrina a tolos asturianos que tan fuera añorandola

Ellí, tien que me ser ellí, xusto
onde sentí tantu fríu per fuera, tantes
ganes de tanto,

como cariñu dientro. Al norte, muncho
al norte, ente maízos fondos
y horros altaneros, baxo los qu’entovía
dalgunos díes, mui ceo,
oigo cómo cabluña’l filu a les gadañes
el martiellu del tiempu.

Por eso, cuando me toque dir,
pa que nun se nos faiga abegosu’l realcuentru,
que me metan puñaos de salmoria na voz
y, nos remos del alma,
que m’añuden to nome, madre mía,
en llugar de cruciame les manes
sobre’l pechu.

Aurelio González Ovies